pana kulupu (tp/en)

mi pali e musi ni lon tenpo wan pi pali ala. tenpo open la, mi wile pali e musi supa pona pi pali kulupu. taso tenpo ni la, mi kama ala jo e nasin musi pona. tan ni la, mi kama wile kepeken e lipu wan pi toki musi. jan pi kama sona mi (jan Ilisi) li pali e lipu ni. lipu ni li musi li pona tawa mi tan ni: ona li toki e nasin pi pali kulupu tan jan pi ma ante. tan toki ni la, nasin musi li kama, sitelen pi supa musi li kama kin kepeken tenpo lili.

Screenshot 2021-11-20 at 10.22.43.png

🚀supa musi li jo e lupa mute tan ni: open la, jan musi li o pana e ona lon sewi pi ilo sona lipu. tan ni la, ilo sona li sike e nasin sike li pana e ilo tenpo li pana e leko pi nanpa nasa kepeken jan ala. ni li pona mute. taso jan ale ala li jo e ilo sona lipu. tan ni la, mi ante e musi. ni la, jan li ken musi kepeken ala ilo sona lipu.

lon ma pi tenpo kule la telo sewi li kama lon tenpo ale. tan ni la, jan li ken mama e kili lili walo kin. lon poka pi ma ni la ma ante lili li lon. nimi ona li ma pi tenpo seli. jan ale li pilin e ni: ma pi tenpo seli li jo e monsuta ike mute. jan Soko lili li wile sona e ni: ma pi tenpo seli pi monsuta ike li powe ala powe. tenpo pimeja wan la, ona li tawa ma ni kepeken ilo tawa kon lili ona. kama open lon ma pi tenpo seli la, jan Soko li kama sona e jan lili ante. ona li monsuta ala. ona li kama jan pona ona lon tenpo lili. ma ni la, jan li ken mama e kili pan kin tan seli tan telo ala. jan lili tu li wile wan e ma lili tu...

Screenshot 2021-11-14 at 17.38.52.png

ma lili tu li kama wan. jan pi ma tu li mama e jan lili mute. tan ni la, jan pi ma lili tu li kama mute mute. jan li pilin e ni: ma lili tu mi li kama lili ete. tan ni la, ona li wile lanpan e ma lili nanpa tu wan. nimi ona li ma pi tenpo lete. tenpo pini la, jan ala li lon ma ni. tenpo suno ale la, jan wawa tu li pana e kili pan e kili lili walo tawa jan sin pi ma pi tenpo lete. taso pali ni li wile e wawa mute tan ni: ma telo lete en nasin telo li lon. jan wawa li wile tawa nasin suli. kin la, ma pi tenpo lete la, tenpo lili luka luka taso li lon tenpo suno. pana kulupu li wile pini lon tenpo suno. ante la, jan wawa li kama moli tan lete. jan mute li kama moli tan wile moku pi kili pan.

Screenshot 2021-11-14 at 17.39.20.png